Завяршаецца юбілейны год Аб'яднання "Маю гонар"

25 снежня 2011, 17:27

Юбілейная выстава Аб'яднання мастакоў-беларусаў Балтыі "Маю гонар", прысвечаная 20-годдзю яго заснавання, пачала свае жыццё з Рыгі. Тут у  траўні, у Цэнтры культуры і народнага мастацтва Рыжскай думы "Ritums" адбылося адкрыццё выставы, затым яна пачала сваё падарожжа па Латгаліі - краі, дзе спрадвеку побач з латышамі пражывалі беларусы. А завершыць выстава юбілейны год таксама ў сталіцы.

26 снежня ў будынку Асацыяцыі нацыянальна-культурных таварыстваў Латвіі імя Іты Казакевіч, што па вуліцы Слокас, 37, адбудзецца яе адкрыццё.

Адна з экспазіцый выставы будзе прысвечана памяці сябры аб' яднання - Мацея Чырыча.

Падчас імпрэзы будзе нагода павіншаваць са слыннымі юбілеямі нашых юбіляраў - навукоўцу Наталлю Цімаховіч і мастака Анатоля Ермаковіча.

Пачатак - у 15-00 гадзін