"Троіца" - на фестывалі ў Рызе

05 лістапада 2009, 15:40

У дзесяты, юбілейны раз, у Рызе будзе праходзіць фестываль этнічнай музыкі « Porta». Дарэчы, "рorta" па-італьянску - дзверы. І за дзвярыма сёлетняга фестывалю цэлае сузор"е цікавых гуртоў з самых розных куткоў свету. Тут і іспанскі ансамбль «Puerto Flamenco»,  і італьянскі «Antichi Suoni». А, галоўнае, мы зможам пачуць нашу славутую фольк-групу «Троіца»!

Чакаць не доўга. Зводны канцэрт адкрыцця, у якім мае браць удзел «Троіца», адбудзецца 5 лістапада ў Вялікай гільдыі. Музыкі з Латвіі, Ізраілю, Беларусі, Іспаніі, Італіі падрыхтавалі на адкрыццё спецыяльную праграму з сімвалічнай назвай «Сонца». Менавіта падчас гэтага канцэрту мы зможам пачуць «Троіцу» - гурт, якім захапляецца ўся Еўропа. Дарэчы, «Троіца» - адзіная беларуская группа, якая двойчы выступала на буйнейшым еўрапейскім фестывалі "Sziget" у Будапешце. Так што скарыстаем магчымасьць і паслухаем «Троіцу» дома, у Рызе. Пачатак канцэрта - у 19-00.

Дарэчы, гэта будзе і цудоўная магчымасьць павіншаваць музыкаў з дзесяцігадовым юбілеем групы. Свае юбілейныя народзіны «Троіца» святкуе якраз у бягучым месяцы, 15 лістапада, у вялікай зале КЗ «Мінск».
Павіншуем «Троіцу» першымі!