"Th!nk About It" - еўрапейскі конкурс блогераў

16 лютага 2010

Еўрапейскі цэнтр журналістыкі (EJC) запрашае журналістаў, блогераў, студэнтаў і экспертаў далучыцца да трэцяга конкурсу блогераў "Th!nk About It".

Конкурс збярэ каля 100 блогераў, журналістаў, экспертаў і студэнтаў з Еўразвязу і суседніх краінаў для абмену ідэямі ды абмеркавання ўстойлівага развіцця і міжнароднай супрацы. Конкурс будзе праходзіць з 24 сакавіка да 31 жніўня 2010 г. і пачнецца з прэзентацыі ў Брусэлі 22-23 сакавіка.

Узнагароды ўключаюць магчымасьці падарожжаў у Азію і Афрыку і рэпартажаў адтуль. Галоўны прыз - паездка ў штаб-кватэру Арганізацыі Аб'яднаных Нацыяў у Нью-Ёрку ў верасні 2010 году на саміт "Мэты разьвіцця тысячагоддзя". Усе паездкі аплоцяць EJC або яго партнэры.

Каб удзельнічаць у конкурсе, трэба запоўніць рэгістрацыйную форму.

Больш падрабязную інфармацыю можна знайсьці на сайце конкурсу.